Хавьер Мендес Махачев Хабиб Нурмагомедовдан кучлироқ эканлигини айтди

"Ҳа, мен Ислам Хабибнинг ишончи эканлигига ишонаман, лекин ундан ҳам кўпроқ отасининг ишончи эди. Билишимча, у Абдулманап Нурмагомедовнинг севимли шогирди эди ва бунинг сабаби ҳам бор. У Ислам чемпион бўлишини ва орқали унинг умидларини рўёбга чиқишини айтган.

Ислам эса Хабибни ҳар томонлама ортда қолдиради. Ислам ҳар томонлама ривожланган. Унда зарба, грэпплинг бор ва яхши ҳимояга эга. Хабибда бундай маҳорат йўқ эди. У шунчаки тарихдаги энг яхши жангчи эди. Аммо, назаримда Ислам энг кучли ҳужумчилар билан рақобатлаша олади. Биз буни амалда кўриб турибмиз", - деди Мендес.