19 май 12:46
Янгиликлар

Теннис

"Хайрли кеч, Париж!". Надаль "Ролан Гаррос-2022"дан илк сурат жойлади + ФОТО

"Катта Дубулға" турнирларининг 21 карра чемпиони, жаҳоннинг собиқ биринчи ракеткаси Рафаэль Надаль "Ролан Гаррос-2022"дан илк сурат эълон қилди.

"Хайрли кеч, Париж! Қайтганимдан хурсандман", - дея сурат остида изоҳ қолдирган Надаль.

35 ёшли Рафа Франция Очиқ чемпионатининг 13 карра ғолиби ҳисобланади. У 2020 йил Парижда ҳозирча сўнгги чемпионлигини қўлга киритган. Сербиялик Новак Жокович эса мусобақанинг амалдаги чемпиони ҳисобланади.

2021 йилги "Ролан Гаррос" ярим финалида Надални айнан Жокович тўхтатган эди. Новак Рафаэлни 3/6, 6/3, 7/6 (7/4), 6/4 ҳисобида мағлуб этиб, мусобақадан чиқариб юборганди. Ўшанда учрашув тўрт соатдан ортиқ давом этганди.

Эслатиб ўтамиз, "Ролан Гаррос"нинг асосий баҳслари 22 майдан 5 июнга қадар бўлиб ўтади. Бугун, 19 май куни турнирга қуръа ташлаш маросими бўлиб ўтади.