08 ноя 08:55
Янгиликлар

Бокс/ММА

Хэй Белью билан реванш учун яхшигина вазн ташламоқчи

Профессионал бокснинг икки вазн тоифасида собиқ жаҳон чемпиони Дэвид Хэй декабрь ойида Тони Бельюга қарши ўтказадиган реванш жангида вазнини сезиларли даражада ташламоқчи.

Шу йилнинг март ойида боксчилар ўртасида ўтказилган илк жангда Хэй жароҳат олган ва бунинг натижасида икки бор нокдаун ҳолатига тушиб қолиб, ўн биринчи раундда техник нокаут эвазига мағлуб бўлган эди. Хэй ўша мағлубиятини айнан вазнининг ортиб кетгани билан изоҳлаяпти.

Британиялик боксчи 2016 йилда 4 йиллик танаффусдан сўнг фаолиятини қайта тиклаган эди. Ўшанда у 102-103 кг вазн тоифасига эга бўлган ҳолатда рингга кўтарилганди. Бу унинг одатий вазнидан 5-8 килограммга оғир деганидир.