Хитойда ўзбекча финал: олтин ва кумуш ўзбекистонлик қиличбозларда

Унда ўзбекистонлик ёш қиличбозлар ҳам иштирок этишмоқда, деб хабар беради МОҚ расмий сайти.

Мусобақада қитъамизнинг 9 мамлакатидан 67 нафар спортчи ўз омадини синаб кўрмоқда. Қувонарлиси, сабля бўйича беллашувларнинг финал баҳси ўзбекистонлик қиличбозлар ўртасида кечди.  

Пазил Генжабаев олтин медаль учун кечган жангда бошқа бир ҳамюртимиз Шерзод Мамутовни мағлуб этди ва мусобақа ғолибига айланди. Шерзод Мамутов эса кумуш медали билан чекланди.

Маълумот учун, Осиё кадет циклида Ўзбекистон терма жамоаси қиличбозликнинг ҳар уччала йўналиши бўйича умумий ҳисобда 20 нафар спортчи билан иштирок этди. Мусобақа ниҳоясига етганидан сўнг ёш спортчиларимиз учун бир ҳафталик ўқув-машғулот йиғинлари бошланади. Йиғин доирасида улар Усида бўлиб ўтаётган катталар ўртасидаги жаҳон чемпионатига ҳам ташриф буюришади.