Хоакин Бакли UFC турнирининг асосий жангида октагонга чиқади + ПОСТЕР

Хоакин Бакли канадалик Майк Мэлоттга қарши октагонга кўтарилади. Ушбу жанг 17 октябрь куни Канаданинг Эдмонтон шаҳрида бўлиб ўтадиган UFC Fight Night 291 турнирининг асосий воқеаси бўлади. Жанг ташкилот матбуот хизмати томонидан расман эълон қилинди.

Бакли кетма-кет иккита мағлубиятли серия билан келмоқда: у ҳакамларнинг якдил қарорига кўра Камару Усман ва Шон Брэдига имкониятни бой берган.

Майк Мэлотт эса, аксинча, жорий йилнинг апрель ойида ўзининг кетма-кет тўртинчи ғалабасини қўлга киритди. У UFC ярим ўрта вазн тоифасидаги собиқ чемпионлик камари даъвогари Гилберт Бёрнсни учинчи раундда техник нокаут эвазига мағлуб этган эди.

Айни дамда Хоакин Бакли ва Майк Мэлотт ташкилотнинг ярим ўрта вазн тоифасидаги медиа-рейтингида мос равишда ўнинчи ва ўн иккинчи ўринларни эгаллаб турибди.