Хоккей. "Бинокор" хоккейчилари финал босқичига йўлланма олдилар ФОТОГАЛЕРЕЯ

Мусобақа давлат мадҳияси билан бошлангани бу ерга ташриф буюрган мухлисларни хурсанд қилди, илло бунақаси ҳали бўлмаган эди. Муз устида "Бинокор" ҳамда "Тошкент" хоккейчилари учрашдилар. "Бинокор" жамоаси ўйинда ўзига хос маҳорат кўрсатиб, рақиблари "Тошкент" жамоаси устидан ишончли ғалабани қўлга киритди. Плей-офф баҳсида учинчи ғалаба уларни финал босқичига олиб чиқди: "Бинокор" - "Тошкент" 4:3. 

Бунгача мазкур қарама-қаршиликда иккита учрашув ўтказилганди. "Бинокор" дастлабки ўйинда 5:1, иккинчи учрашувда эса 2:1 ҳисобида ғалабага эришганди. Учинчи ғалаба орқали "Бинокор" финал йўлланмасига эга чиқди. 

Бугун плей-офф босқичининг навбатдаги учрашуви бўлиб ўтади. "Хумо" ҳамда "Семурғ" жамоалари учрашуви кундуз  соат 12:00 да бошланади. Мазкур жуфтликда ҳозирча ҳисоб 1:1. 

Эътиборингизга "Бинокор" - "Тошкент" қарама-қаршилигининг сўнги учрашувидан олинган суратларни ҳавола қиламиз:

Суратлар муаллифи - Алимурод Мамадаминов