22 фев 17:50
Янгиликлар

Қишки спорт турлари

Хоккей. “Бинокор” яна мағлуб бўлди, “Ҳумо” якка пешқадам ФОТОГАЛЕРЕЯ

Пойтахтимиздаги “Ice City” мажмуасида хоккей бўйича Ўзбекистон чемпионатининг 5-тур учрашувлари ўтказилди.

Дастлаб турнинг биринчи ўйини “Семурғ” ва “Бинокор” жамоалари ўртасида бўлиб ўтди. Асосий вақтда дуранг натижа қайд этилди - 4:4. Қўшимча бўлимда дарвозани ишғол қилган “Семурғ” хоккейчилари ғалабага эришишди.

Шундан сўнг “Ҳумо” ва “Тошкент” жамоалари бир-бирларига қарши музга чиқишди. Учрашувда сезиларли устунликка эга бўлган “Ҳумо” хоккейчилари 3:1 ҳисобида зафар қучишди.

Бешинчи турдан сўнг биринчи Ўзбекистон чемпионатида 8 очко тўплаган “Ҳумо” жамоаси якка пешқадамлик қилмоқда. “Семурғ” ва “Тошкент” жамоалари ҳисобида 6тадан очко бор. Ҳали ғалаба лаззатидан тотиб кўрмаган “Бинокор” жамоаси сўнгги ўриндан жой олган.

Чемпионатда навбатдаги 6-тур учрашувлари эртага ва якшанба куни ўтказилади.