Хоккей бўйича илк тарихий Ўзбекистон чемпионатининг биринчи ўйини бўлиб ўтди

Хабар берганимиздек унда пойтахтнинг икки вакили Тошкент ва мамлакатимиздаги дастлабки хоккей жамоаси Бинокор ўзаро куч синашди. Қизғин ва муросасиз кечган ўйинда гарчи ташкил топганига унча кўп бўлмаган эсада Тошкент жамоаси хоккейчилари ғалаба қозонишди. Ҳал қилувчи учинчи бўлимда Максим Парванов шайба киритиб ҳисобни 4-1 кўринишига келтирди.

Ўйин тугашига саноқли сониялар қолганда Тошкент жамоаси вакили Егорь Студенов ҳам ўз номини таблога ёзиб қўйди, якуний ҳисоб 5-1. Афтидан ҳеч ким Бинокорнинг йирик ҳисобда ютқазишини кутмаган бўлса керак. 

Айни дақиқаларда иккинчи ўйинда Хумо ва Семурғ жамоалари музга чиқишган.