Хоккей. “Тошкент” ва “Бинокор”да ғалаба ФОТОГАЛЕРЕЯ

Турни “Хумо” ҳамда “Тошкент” жамоалари бошлаб беришди. Бу учрашувда  “Тошкент” хоккейчилари 4:3 ҳисобида зафар қучишди. Тўққизинчи тур натижаларига кўра, жамоа 9 та очко жамғара олди. Шайбалар нисбати эса - 28:31. 

Кейинги ўйин “Бинокор” ҳамда “Семурғ” жамоалари ўртасида кечди. Кескин курашлар остида ўтган баҳсда “Бинокор” хоккейчиларининг қўли баланд келди: “Бинокор” – “Семурғ” 3:1. 

“Бинокор” мавсумдаги ғалабалар сонини 3 тага етказиб, 9 очкога эга бўлди. Шайбалар нисбати эса - 33:34. Гарчи “Семурғ” сўнгги турда мағлуб бўлган бўлсада, пешқадамликни сақлаб қола олди. Навбатдаги тур ўйинлари 9-10 март кунлари бўлиб ўтади.