19 май 08:01
Янгиликлар

Хоккей

Хоккейимиз юлдузчаларидан бири Салоҳиддин Азимов Канада клуби билан шартнома имзолади!

Ўзбек хоккейида навбатдаги қувончли янгилик.

Ўзбекистон миллий терма жамоаси аъзоси Салоҳиддин Азимов «Somang Hockey» клуби билан шартнома имзолади.

Мазкур жамоа United States Premier Hockey League премьер дивизионининг мавқе жиҳатидан учинчи Лигасида иштирок этади. «Somang Hockey» жамоаси Канаданинг Квебек провинцияси, Тербон шаҳрида жойлашган.

16 ёшли хоккейчимиз фаолиятини Швециянинг "Соллентуна" клубида давом эттириши кутилган эди, бироқ виза билан боғлиқ муаммолар бунга тўсқинлик қилди.

Аввалроқ, яна бир юртдошимиз Жасурбек Рустамхонов АҚШ ёшлар хоккей лигасида иштирок этувчи "Dubuque Fighting Saints" клуби томонидан драфт қилинган эди.