Холли Холм Ронда Роузи билан реванш жангига тайёр

Хусусан, Ариэль Хельванига берган интервьюсида Холли Дана Уайтнинг 2015 йил ноябрь ойида Роузини нокаутга учратганидан кейин у билан зудлик билан реванш олишдан бош тортгани ҳақидаги сўзлари ҳақиқатга тўлиқ мос келмаслигини тушунтирди.

"Агар унинг ҳақиқатан ҳам қайтмоқчи эканлигини билганимда, мен реваншга аниқ рози бўлардим. Савол очиқ эди: у қачон қайтиб келади? Жангни қанча кутишим керак? Фаол бўлиб қолишни истардим. Мен жангчиман - бу мен шуғулланадиган иш. Мен ҳар доим Ронда билан реваншга тайёр эдим, лекин у буни хоҳлаганми-йўқми, билмайман. Аммо мен ҳар доим унга қасос олиш учун имкон беришга тайёр эдим ва бу таклиф ҳали ҳам ўз кучида. Мен ҳали ҳам шу ердаман", - деди Холм.

Шу ой бошида Ронда Роузи бокс бўйича енгил ва биринчи ярим ўрта вазн тоифасида собиқ мутлақ жаҳон чемпиони ирландиялик Олимпиада чемпиони Кэти Тейлор билан жанг юзасидан музокара бораётгани ҳақида хабар берилганди. Шунингдек, Роузининг машғулотларни давом эттираётган ҳамда аъло даражадаги спорт формасида бўлган Жина Карано ўртасида жанг бўлиши мумкинлиги ҳақида ҳам миш-мишлар тарқалмоқда.

Шу йил бошида UFC’ни тарк этган 44 ёшли Холли Холм 3 январь куни Пуэрто-Риконинг Сан-Хуан шаҳрида рингга кўтарилади. У енгил вазн тоифасида WBA чемпионлик камарини ҳамюрти Стефани Хандан тортиб олиш учун уриниб кўради.