Холмурод Нурматов Усман - Чимаев жанги ҳақида: "Бу жангни кўришни хоҳламаган бўлардим"

Енгил вазн тоифасидаги аралаш яккакураш устамиз Холмурод Нурматов Ислам Махачев - Александр Волкановски, Хамзат Чимаев - Камару Усман жанглари учун тахмин билдирди.

"UFC 294 жуда кучли кард бўлди. Анчадан буён бу даражадаги кард бўлмаётган эди. Асосий жанг - Ислам Махачев ва Алекс Волкановски ўртасидаги учрашувда мен Исламга мухлислик қиламан. Унинг ғалабасини кутяпман. Махачев бу сафар Алескни 2 ёки 3-раундда оғритиш усули билан мағлуб этади. Чунки Волкановски захирага чиқаяпти, тайёргарлик лагери аъло даражада эмас. Ислам Махачев биринчи жангда ўз хатоларини тушуниб етган ва уларни такорламайди деб ўйлайман. 

Хамзат - Камару жангига тўхталадиган бўлсак, ҳар иккисига мухлислик қиламан. Аслида бу иккисининг жангини кўришни хоҳламагн бўлардим. Бу жанг ҳақида нима дейишга ҳам хайронман. Менимча, жанг тўлиқ 5 раунд давом этади. Усманнинг ҳам, Чимаевнинг ҳам кураши, физикаси кучли. Хамзат бўйининг баландлиги ва қўлларининг узунлиги эвазига стойкада устунлик қилиши мумкин", - деди Нурматов.