ХОҚ Пекинда баъзи ареналарга 30 фоизгача одам киритилишига умид қилмоқда

Бу ҳақида Халқаро олимпия қўмитаси ижрочи директори Кристоф Дюби хабар қилган.

Чет эллик мухлислар коронавирус пандемияси туфайли олимпиадани Пекиндан кузатиб боришига рухсат этилмади.

«Трибуналарда томошабинларнинг бўлиши ва шу билан бирга барча иштирокчиларнинг хавфсизлигини таъминлаш учун режалар бор. Бу борада ҳали келишувга эришганимиз йўқ. Лекин шуни айтган бўлардимки, бизда икки-уч жой учун бир киши бўлса, бу яхши натижа. Бу мусобақанинг очиқ ҳавода ёки ёпиқ бино ўтказилишига боғлиқ.

Энг эътиборлиси, бизда томошабинлар бўлади. Ва бу нафақат ўша шаҳарда доимий яшовчи одамлар, балки умумий Хитой аҳолиси ҳам, биз буни талаб қилдик», — деди Дюби.

Пекин Олимпиадаси 4-20 февраль кунлари бўлиб ўтади.