ХОҚ раҳбари Томас Бах коррупцияда айбланмоқда

Бах 2005-2009 йиллар оралиғида йирик Ferrostaal ишлаб чиқариш компаниясига консультатив хизматларини бериб келган. 59 ёшли функционер ўша пайтда ХОҚ вице-президенти лавозимида ишлаган.

Бундан ташқари, Ferrostaal компаниясининг хориждаги расмий вакили бўлган. Бах бунинг учун 125 минг евро маош олган. Томас ҳамкорлик қилган компания 2011 йилда коррупцион тизимда иш олиб борганликда айбланиб, Мюнхен суди томонидан 140 миллион евро жаримага тортилган.

Шунингдек, Томас Бах 2000-2008 йиллар оралиғида дунёга машҳур Siemens концернида ҳам маслаҳатчи ролида фаолият юритган. Олимпия ҳаракати билан ҳамкорлик қилган бу концерн Пекиндаги Олимпиададан 1,1 миллиард евро даромад қилган.

Олмон нашрларида айтилишича, Бах Халқаро Олимпия қўмитасининг этика комиссияси томонидан сўроқ қилинган. МОҚ раҳбари 2013 йили ташкилотга президент этиб сайланганидан бери бундай ишлар билан шуғулланмаётганини айтган.