ХОҚдан жавоб! IBA'га аъзо мамлакатлар Лос-Анжелес 2028 Олимпиадасида иштирок этмайди, жумладан Ўзбекистон ҳам!

Бу ҳақда Халқаро олимпия қўмитаси (ХОҚ) баёнотида айтилади.

Ҳужжатга кўра, IBA'га Токио ва Париждаги ўйинлар учун саралаш турнири ўтказишга рухсат берилмаган ва бокс ҳозирча 2028 йилги Олимпиада дастурига киритилмаган.

"Олимпия боксига ишончли, яхши ташкил этилган халқаро федерация керак. Миллий федерацияси IBA таркибига кирувчи ҳар қандай боксчи Лос-Анжелесдаги Олимпия ўйинларида иштирок эта олмаслиги аллақачон аниқ бўлиб улгурди. Ўзини ҳурмат қиладиган ҳар қайси Миллий олимпия қўмитаси бундай миллий бокс федерацияларини ўз аъзолигидан чиқариши шарт", — дейилади хабарда.

Шу билан бирга, бир кун аввал IBA Олимпиада турнирини ташкил этишга ҳеч қандай алоқаси йўқлигига қарамай, 2024 йилги Олимпиада совриндорларига мукофот пулларини тўлашини маълум қилганди.

"ХОҚ мукофот пулларини тўлаш бўйича IBA қарори матнини олди. IBA'да авваллари бўлгани каби, бу маблағлар қаердан келганлиги умуман аниқ эмас. Молиявий компонентнинг тўлиқ шаффофлиги ХОҚ IBA ваколатларини тан олмаслиги сабабларидан бири бўлди”, — дейилган баёнотда.

Эслатиб ўтамиз, 200 дан ортиқ миллий федерациялар, жумладан, Ўзбекистон ҳам IBA'га аъзо ҳисобланади. Ташкилотнинг айни дамдаги раҳбари россиялик Умар Кремлёв.