Хуберт Гуркач Эшторилда 1/2 финалга чиқди

Дунёнинг 10-ракеткаси Хуберт Гуркач мусобақа бош соврини учун асосий даъвогар бўлиб турибди. Польшалик теннисчи 1/4 финалда ATP рейтингида 152-поғонада бораётган испаниялик Пабло Ямас-Руисни қийинчилик билан мағлубиятга учратди - 7/6(4), 6/4.

Бу теннисчиларнинг ўзаро илк учрашуви эди. Бир соату 46 дақиқа давом этган баҳсда Гуркач 4, Ямас-Руис 1 та эйс зарбасини амалга оширди. Иккала теннисчи ҳам 1 тадан қўшхатога йўл қўйган. Битта брейк Хубертни ярим финал иштирокчисига айлантирди.