28 мар 16:58
Янгиликлар

Қишки спорт турлари

“Хумо” плей-оффда мувозанатни тиклади ФОТОГАЛЕРЕЯ

Хоккей бўйича мамлакат чемпионатининг плей-офф баҳслари қизғин паллага кириб бормоқда.

“Ice Сity” кўнгилочар спорт мажмуасида пойтахтнинг “Хумо” ҳамда “Семурғ” жамоалари музга тушишди. Тенгма-тенг курашлар остида кечган ўйинда “Семурғ” жамоаси ҳисобда олдинда бораётиб, ўйин тугашига саноқли дақиқалар қолганида имкониятни бой берди.

Плей-офф босқичининг иккинчи учрашуви (олдинги учрашувда “Семурғ” жамоаси 6:2 ҳисобида “Хумо”дан устун келган эди)да омад “Хумо” жамоаси томонда бўлди: “Хумо” - “Семурғ” 5:4. Плей-оффда икки ўйин натижаларига кўра ҳисоб тенглашди: 1:1.

Эслатиб ўтамиз, финал босқичига чиқиш учун томонлар камида учта ўйинда ғалаба қозониши шарт. Плей-офф босқичининг навбатдаги учрашуви 30-31 март кунлари бўлиб ўтади.