31 мар 19:21
Янгиликлар
Дзюдо
Хуррамов Тбилиси Гран-Присининг бронза медали совриндори!
Грузия пойтахти Тбилиси шаҳри мезбонлик қилаётган дзюдо бўйича Гран-При туркумига кирувчи нуфузли турнир якуни сари яқинлашмоқда.
-100 кг вазн тоифасидаги полвонимиз Муҳаммадкарим Хуррамов терма жамоамизга иккинчи бронза медалини тақдим этди. У аввалига бронза йўлидаги ўтиш баҳсида франциялик Клеман Делверни мағлубиятга учратди. Кейин эса италиялик полвон Жулиано Лопарчиодан устун келди. Муҳаммадкарим бронза медалидан ташқари қимматли бўлган 350 рейтинг очкосига ҳам эга бўлди.
Эслатиб ўтамиз, Хуррамов биринчи даврада ҳиндистонлик Автар Сингх, иккинчи босқичда мўғулистонлик кучли рақиб Хангал Одбаатарни мағлубиятга учратган эди. Чорак финал баҳсида эса юртдошимиз голландиялик Михаэл Коррелга ютқазиб қўйганди.
Ҳавола :
Манба : olamsport.com
Фикрлар