06 май 08:19
Янгиликлар

Бокс/ММА

Хуршидбек Норматов АҚШда олтинчи жангида рингга кўтарилди

Хабар берганимиздек, бугун ҳамюртимиз Баҳодир Жалолов АҚШда ўзининг профессионал боксдаги дебют жангини ўтказиб, мексикалик Уго Трухильони учинчи раундда нокаутга учратди.

“Foxwoods Resort Casino” аренасида ўтган айнан мана шу бокс оқшоми доирасидаги жангларнинг бирида яна бир чарм қўлқоп устамиз Хуршидбек Норматов рингга кўтарилди.

Ҳамюртимизга бугунги жангда колумбиялик Рональд Монтес рақиблик қилди. Олти раундга мўлжалланган жангда Норматов очколар ҳисобига кўра ғалаба қозонди ва мағлубиятсиз серияни давом эттирди.

Таққослаш учун, Хуршидбек шу кунгача 5та жанг ўтказиб, уларнинг барчасида ғалаба қозонган (2таси нокаут) эди. Бугун олтинчи ғалаба ҳам қўлга киритилди. Рональд эса проф рингда 26та жанг ўтказган ва 18 маротаба зафар қучган (16та нокаут) эди. Бугун у тўққизинчи мағлубиятини қабул қилиб олди.