XXXI ёзги бутунжаҳон Универсиада ўйинларининг илк мусобақалари бошланди

Айтиш лозим, Хитойда бошланган Универсиада ўйинларида дунёнинг 119 та давлатидан 5100 нафардан зиёд талаба-спортчилар 18 та спорт туридаги 269 та медаллар жамланмаси  учун баҳс олиб боради.

Мазкур Универсида мусобақаларида мамлакатимиз талаба-спортчилари 7 та спорт турида юртимиз шарафини ҳимоя қилмоқда. Таэквондо спорт туридан 14 нафар, дзюдо 14, гимнастика 3, теннис 6, енгил атлетика 7, ушу 5, қиличбозлик спорт турида 20 нафар спортчимиз медаллар учун кураш олиб бориши белгиланган.

Бугун, 29 июль куни Ченду шаҳридаги Универсиада шаҳарчасида терма жамоамиз учун ташкил қилинган "Ченду-2021” штабида Ўзбекистон Республикаси Ёшлар сиёсати ва спорт вазирининг ўринбосари Шаҳрулло Махмудов терма жамоамиз аъзолари билан учрашди.  

Мулоқот давомида ташкилий масалалар муҳокама қилиниб, мусобақаларни юқори даражада бошлаш бўйича ҳар бир спорт тури бўйича режалар тайёрланиб умумлаштирилди. Спорт турлари бўйича мураббий ва мутахассисларнинг фикр-мулоҳазалари тнгланиб, зарур йўл-йўриқ ҳамда кўрсатмалар бериб ўтилди.

Бугун кун давомида 11 нафар спортчиларимиз мусобақаларда иштирок этишга киришади. Жумладан, теннис спорт турида Насиба Эсполова ва Омина Валиханова яккалик бахсининг дастлабки босқичида иштирок этса, ушу спорт турида Дарья Латишева нандао дастурида, Азиз Қаҳрамонов чангкуан дастурида чиқиш қилади. 

Универсиада ўйинларининг дзюдо мусобақаларида Фотимахон Турсунбоева 48 килограммда, Гулхаё Жураева  52 килограммда, Юляна Максетбаева 57 килограммда, Камолиддин Бахтиёров 60 килода, Абдураҳим Нутфуллоев 66 килода медаллар учун кураш олиб боради.

Тўлқин РЎЗИЕВ тайёрлади