11 ноя 10:52
Янгиликлар

Теннис

Якуний ATP турнирининг 96,5% чипталари сотиб бўлинди

Италиянинг Турин шаҳри теннис бўйича эркаклар ўртасидаги Якуний ATP турнирига мезбонлик қилади.

ATP Finals ташкилотчиларининг хабар беришича, ушбу турнирга чиқарилган 96,5% чипта ўз эгаларига етиб борган. Сотувга жами 166 470 та чипта чиқарилган эди.

Эслатиб ўтамиз, Туриндаги "Пала Альпитур" аренасида қаторасига учинчи йил Якуний ATP турнирини қабул қилади. Сербиялик Новак Жокович мусобақанинг амалдаги ғолиби ҳисобланади. Дунёнинг биринчи ракеткаси бу йил рекорд даражада - еттинчи ATP Finals бош совринини қўлга киритиши мумкин.