Якуний WTA турнири. Оқ гуруҳда ҳаммада имконият бор

Дунёнинг энг кучли саккиз нафар теннис маликалари иштирок этаётган BNP Paribas WTA Finals Singapore турнирининг соврин жамғармаси 7 миллион долларни ташкил этади. 

Оқ гуруҳнинг иккинчи тур учрашувларидан сўнг квартетнинг тўрт нафар теннисчисининг барида ярим финалга чиқиш имконияти сақланиб қолди. Хатто икки ғалабага эришган Элина Свитолина ҳам гуруҳда қолиб кетиши мумкин. 

Эртага ўтказиладиган сўнгги турда Свитолина даниялик Каролин Возняцкига қарши кортга чиқади. Каролин икки сетда ғалаба қозонган тақдирдагина ярим финалга йўл олади. Уч сетда ғалаба қозонса, ўз ўрнида Плишкова Квитовани айнан уч сетда ютса, у ҳолда Плишкова ва Свитолина ярим финалга чиқади.