"Ямаль Мессидан яхшироқ". "Барселона" собиқ футболчиси ҳайратланарли баёнот билан чиқди

Чемпионлар Лигаси ярим финалидан ўрин олган "Барселона" – "Интер" (3:3) ўйинидан сўнг де Бур дадил баёнот берди ва бу қизғин баҳс-мунозараларга сабаб бўлмоқда.

"Ямаль бу ёшда Мессидан кучлироқ. Месси 21 ёшида ўйнай бошлаган, шунинг учун ҳозир бу ёшда у 16, 17, 18 ёшда бўлган Мессидан кучлироқ ва яхшироқ.

Мен учун ягона фарқ – бу изчиллик. Месси жамоада 10, 12, 13 йил ақл бовар қилмас даражада ўйнади. У буни уддалай оладими? У формасини сақлаб қололадими?", – деди де Бур.

"Интер"га қарши ўйин Ямаль учун "Барселона" таркибидаги 100-си бўлди. Бу вақт ичида у 22 та гол урди ва 32 та голли пас узатди. Бу ёшда Лионель Месси бор-йўғи 9 ўйин ўтказиб, 1 та гол урган.