Ян Блахович ММАдаги фаолиятини якунлаганидан сўнг қайси спорт тури билан шуғулланишини айтди

Блаховичнинг сўзларига кўра, у ҳозирча кетиш ниятида эмас, аммо кетганидан сўнг ўзини қояларга чиқиш спорт турида синаб кўрмоқчи.

"Айтишим мумкинки, битта жангдан кўра иккита жанг ўтказиш яхшироқ. Буни эшитиш ёқимли, тўғри, лекин бошқа томондан олиб қараганда, жанглардан бошқа нарса билан шуғулланмоқчиман. Менга ММА ёқади, бу менинг ҳаётдаги ўрним, мен уни яхши кўраман.

Бироқ кун келиб кетишимни биламан. ММАдан кейин ҳам нимадир билан шуғулланишим керак. Лекин у адреналинга тўла бўлиши керак. Шунинг учун мен чўққига чиқиш спорти билан шуғулланишни бошламоқчиман", - дея Блаховичнинг сўзларини келтиради MMA Rocks нашри.

Блахович сўнгги жангини жорий йил май ойида Александр Ракичга қарши ўтказиб, ғалаба қозонган. Унинг навбатдаги жанги қачон ва кимга қарши бўлиши ҳозирча аниқ эмас.