03 июл 07:44
Янгиликлар

Бокс/ММА

Ян Нурмагомедовга қарши октагонга чиқадими? Петрнинг ўзи жавоб берди

Собиқ UFC чемпиони Петр Ян ватандоши Умар Нурмагомедовга қарши эҳтимолий жанг ҳақида гапирди.

Яннинг сўзларига қараганда, агар бир ойдан сўнг ўтказиладиган жангда Умар америкалик Кори Сэндхагенни мағлубиятга учратса, ватандошлар тўқнашуви амалга ошиши мумкин.

"Ўйлайманки, қизиқарли жанг бўлади. Бу жангда Умарнинг кураши асосий рол ўйнаса керак. Лекин Нурмагомедов Топ-5 рейтингига кирмас экан, бу жанг ҳақида гапириш бефойда. Бундан маъно ҳам йўқ. Агар Умар Корини мағлубиятга учрата олса, кейин бу саволни менежерларга беришингиз мумкин. Бу жанг нафақат биз, балки UFC учун ҳам қизиқ бўлиши керак. Шунда бизнинг жангимиз амалга ошиши мумкин", - деди Ян.

Эслатиб ўтамиз, Кори Сэндхаген - Умар Нурмагомедов жанги 5 август куни АҚШнинг Нэшвилл шаҳрида ўтказилади ва UFC on ESPN 50 турнирининг марказий тўқнашуви бўлди.