Яна бир ўзбекистонлик мураббий хорижда иш бошлади + ФОТО

Аброр Турсунпўлатов Рио Олимпиадаси чемпиони Фазлиддин Ғоибназаровнинг мураббийи ҳисобланади ва кўпчилик у кишини шу орқали яхши танийди. Россиялик Сергей Ковалёв айнан Аброр Турсунпўлатов қўл остида жаҳон чемпиони бўлган эди. 

"Икки ҳафта олдин Мўғулистон терма жамоаси бош мураббийи сифатида иш бошладим. Менга аввалги бош мураббий ёрдам беради. Бир вақтнинг ўзида аёллар терма жамоасига ҳам масъул бўламан. Тўғри, у ерда катта мураббий бор. Лекин масъуллик менинг зиммамда. Ҳозир Амманга Осиё чемпионатида иштирок этиш учун келдик. Эркаклар терма жамоаси таркиби 9, аёллар жамоамиз 8 боксчидан иборат. Олдимизга қўйилаётган асосий вазифа бу - Париж-2024 Олимпиадаси бўлади", - деди сайтимизга берган интервьюсида Турсунпўлатов. 

Маълумот учун, айни пайтда ўзбекистонлик бокс мураббийларидан Владимир Шин Япония, Ҳасан Муҳаммедов БАА терма жамоаси бош мураббийи сифатида фаолиятини давом эттирмоқда. Сидней Олимпиадасининг бронза медали совриндори Рустам Саидов эса яқинда Малайзия терма жамоаси бош мураббийи бўлиб ишлаб келди.