09 фев 10:17
Янгиликлар

Олимпия ўйинлари, Қишки спорт турлари

Япониялик спортчи Олимпиада расмий старти олдидан олимпия ўйинлари рекордини ўрнатди

Япониялик тоғ чанғи спорт тури вакили Нориаки Касаи Пхенчхан Олимпиадасининг тантанали очилиш маросимидан олдин Қишки Олимпия ўйинлари тарихига кирди.

Касаи кетма-кет 8та Қишки Олимпиадада иштирок этган жаҳоннинг биринчи спортчисига айланди. Нориаки кеча мусобақанинг саралаш баҳсларида стартга чиқди ва расман дунё рекордини ўрнатди.

Маълумот учун, 45 ёшли Касаи илк бор 1992 йили Франциянинг Альбервил шаҳрида ўтган тўрт йилликнинг энг нуфузли мусобақасида иштирок этган эди. У фаолияти давомида 1994 йилги Лиллихаммер Олимпиадасида кумуш, Сочи-2014 Олимпиадасида кумуш ва бронза медалларини қўлга киритган.