Яхши янгилик: "Tashkent Select" жамоаси янги мавсумда ҳам Қозоғистон чемпионатида иштирок этади

"Инсайд маълумотларимизга кўра, Ўзбекистон ёшлар терма жамоаси асосини ташкил қилувчи "Tashkent Select" янги мавсумда ҳам Қозоғистон чемпионатида иштирок этиш учун ариза юборган. Жамоа июль ойи ўрталарида йиғинга киришади. 

Лекин ҳамма нарса бўлиши мумкинлигини эслатиб ўтаман. "Ҳумо" клубининг тақдири катта савол остида турибди ва эҳтимол, шунинг учун ҳам янги мавсум тақвими ёки бошқа режаларни кўрмадик. Ҳамма Ўзбекистондан янгилик кутмоқда...", дейилади нашр хабарида.

Маълумот учун, "Tashkent Select" ёшлар хоккей жамоаси Қозоғистон ёшлар хоккей Лигасининг ўтган мавсумида қатнашиб, мунтазам чемпионатда 13 та жамоа орасида 11-ўринни эгаллаганди.