29 дек 14:34
Янгиликлар

Бокс/ММА

Йен Мачадо Гарри Ислам Махачевни кутмасликка қарор қилди

Ярим ўрта вазнда UFC рейтингида учинчи ўринни эгаллаб турган Йен Мачадо амалдаги дивизион чемпиони Ислам Махачевнинг эҳтимолий рақибларидан бири ҳисобланади.

Гарри яқинда берган интервьюсида ёзда Оқ уйдаги турнирда октагонга қайтиши мумкинлигини айтган россияликни кутмоқчи эмас.

"Ёзгача кутмайман. Мен бир жойда туришга жуда яхши тайёрман", - деб ёзди ирландиялик жангчи ижтимоий тармоқда чемпионнинг баёнотига изоҳ бериб.

Ислам Махачев бир кун аввал UFC’нинг чемпионлик ҳимоясини келаси йилнинг январь ойида ўтказиш таклифини рад этиб, Рамазон ойидан кейин - апрель, май ёки июнь ойларида қайтишни режалаштираётганини маълум қилганди. Шу билан бирга, россиялик жангчи Майкл Моралес ёки Камару Усман билан жанг қилишни афзал кўришини айтди.

Махачев ўтган ойда ярим ўрта дивизионнинг янги чемпиони бўлди, у беш раунд якунларига кўра австралиялик Жек Делла Маддаленани очколар ҳисобига кўра мағлуб этганди.