Йилқичилик ва от спорти федерацияси қўмитаси таркибида ўзгариш бўлди

Йиғилишда от спортининг мамлакатимиздаги ривожи йўлида федерация томонидан амалга оширилаётган ишлар ва келажакдаги режалар, ушбу спорт турини аҳоли ўртасида кенг оммалаштириш масалалари мутасаддилар томонидан муҳокама этилди.

Шунингдек, Йилқичилик ва от спорти федерацияси қошидаги Дрессаж (от йўрттириш) қўмитаси фаолияти ҳам таҳлил этилиб, қўмитага синов муддати асосида Иброҳим Воҳидович Юлдашев раис этиб тасдиқланди.

Йиғилиш давомида от спорти йўналишларини ривожлантириш ва ўқув машғулотларни Ўзбекистон Республикаси Соғлиқни сақлаш вазирлиги ва Халқаро от спорти федерацияси Кенгашининг қоидалари ва тавсияларига риоя қилган ҳолда ўтказиш борасидаги режалар ҳам муҳокама қилинди.

Якунда Дрессаж қўмитаси кун тартибида бўлган масалалар ўрганилиб, мутасаддилар томонидан мамлакатимизда ушбу йўналишни ривожлантириш бўйича алоҳида чора-тадбирлар ишлаб чиқишга келишиб олинди.

Жисмоний тарбия ва спорт вазирлиги Матбуот хизмати