Ёш дзюдочиларимиз "Alibayli Cup" турнирида иккита олтин медалга эга чиқишди + ФОТО

Анъанавий тарзда ўтказиб келинаётган "Alibayli Cup" турнирида мезбонлардан ташқари Россия, Қозоғистон, Тожикистон, Туркия, Грузия сингари ўнга яқин давлатдан ёш дзюдочилар иштирок этяпти. 

Озарбайжон Ёшлар ва спорт вазирлиги ва мамлакат дзюдо федерацияси билан ҳамкорликда ташкил этилаётган халқаро турнирда Ўлмас Гуллиев мураббийлигидаги "Дипломат" дзюдо клуби тарбияланувчилари ҳам медаллар учун баҳс олиб бормоқда. Улардан Самиюсуф Аббосов (-30 кг) ва Шоҳжаҳон Усмонов (-50 кг) ўз ёш гуруҳларида олтин медални қўлга киритишди. 

Бугун 2013-2015 йилларда таваллуд топган кичик ўсмирлар медаллар учун баҳсларга киришишади. Дзюдочиларимиздан Жасур Алиев, Муҳаммадамин Бакиев (иккиси ҳам -24 кг), Муҳаммадюсуф Бешимов, Яҳё Бекмурзаев (иккиси ҳам -27 кг), Иброҳим Баҳодиров, Оятулло Муҳаммаджонов, Фарҳод Эркинов (ҳаммаси ҳам -34 кг), Шохдиёр Умаров (-46 кг), Қаландар Ўролов, Самир Саодатов (иккиси ҳам +46 кг) татамига чиқишади.