07 мар 08:07
Янгиликлар

Дзюдо

Ёш дзюдочиларимиз "Alibayli Cup" турнирига йўл олишди

8-9 март кунлари Озарбайжон пойтахти Боку шаҳрида ўсмирлар ва кичик ёшдаги ўсмирлар ўртасида халқаро турнир бўлиб ўтади.

Анъанавий тарзда ўтказиб келинаётган "Alibayli Cup" турнирида мезбонлардан ташқари Россия, Қозоғистон, Тожикистон, Туркия, Грузия сингари ўнга яқин давлатдан ёш дзюдочилар иштирок этади.

Озарбайжон Ёшлар ва спорт вазирлиги ҳамда мамлакат дзюдо федерацияси ҳамкорлигида ташкил этилаётган халқаро турнирда Ўлмас Гуллиев мураббийлигидаги "Дипломат" дзюдо клуби тарбияланувчилари медаллар учун баҳс олиб боради.

Бу каби мусобақаларнинг ўтказилиши ёшларнинг халқаро тажрибаси ошишига хизмат қилади.