05 авг 16:01
Янгиликлар

Бокс/ММА

Ёш ММА жангчимиз Санжар Зокиров навбатдаги жангини ACA лигасида россиялик ACA Гран-Приси ғолибига қарши ўтказади + ПОСТЕР

17 август куни Россиянинг Грозний шаҳрида ММА бўйича Absolute Championship Akhmat лигасининг ACA Young Eagles 39 турнири ўтказилади.

Маълум бўлишича, мусобақа доирасида ўта енгил вазн тоифасида ўзбекистонлик таниқли ММА жангчиси Санжар Зокиров (5-0) ҳам жанг қилади. Унга ўша куни мазкур вазнда лиганинг Гран-При турнири чемпиони бўлмиш россиялик тажрибали Ислам Кончиев (10-3) рақиблик қилади. Жанг мусобақанинг асосий кардига киритилгани айтилмоқда.

Эслатиб ўтамиз, Санжар Зокиров сўнгги проф жангини март ойида тожикистонлик "Метро Любино" тахаллуси билан танилган Саймумин Мадиевга қарши ўтказиб, ғалаба қозонган эди. Ислам Кончиев эса охирги жангини яна бир ҳамюртимиз - Лазизхон Ўзбековга қарши ўтказиб, зафар қучган эди.

Аввалроқ, Санжар Зокиров Франциянинг MMA Grand-Prix лигаси билан шартнома имзолагани ҳақида хабар берган эдик.