15 ноя 11:36
Янгиликлар

Таэквондо

Ёш таэквондочилар Сирдарёда беллашмоқда

Сирдарё вилоятининг Гулистон шаҳрида ўтказилган таэквондо WТ бўйича ўсмирлар ва ёшлар ўртасидаги мамлакат биринчилигида илк ғолиб ва совриндорлар аниқланди.

Мусобақанинг илк кунида кадетлар ўртасидаги беллашувлар ҳамда бир неча тоифаларда пумсе баҳслари ўтказилди.

Чемпионатда Яҳёхон Бурхонов, Бобур Йўлдошев, Андрей Хам ва Бекзод Маҳмудбеков шоҳсупага кўтарилди. Тамирбек Отабеков, Асадбек Абдурашидов, Санжар Хайруллаев ҳамда Шоҳрух Умирзоқов ўз тоифаларида медалларга сазовор бўлди.

17 ноябрь кунига қадар давом этадиган Ўзбекистон чемпионатида Саҳин Анваров, Солиҳ Исҳақов, Малика Рўзиева, Робия Мирабзалова, Елизавета Ли ўз йўналишларида олтин медални қўлга киритди.