19 мар 15:03
Янгиликлар

Бошқалар

Ёзги биатлон. Ўзбекистон кубоги Наманганда қолди

Ўзбекистон мудофаасига кўмаклашувчи "Ватанпарвар" ташкилоти Наманган вилояти кенгаши негизида ёзги биатлон бўйича "Наврўз" умумхалқ байрамига бағишлаб ўтказилган Ўзбекистон Кубоги мусобақаси якунланди.

Ушбу мусобақада Тошкент шаҳри ва вилоятлардан жами 108 нафар спортчилар иштирок этдилар. Мусобақанинг якуний натижаларига кўра 1-ўринни Наманган вилояти жамоаси, 2-ўринни Самарканд вилоят жамоаси ва 3-ўринни Тошкент вилояти жамоаси эгалладилар. Ғолибларга "Ватанпарвар" ташкилотининг эсдалик совғалари ва фахрий ёрлиқлари топширилди.

Мазкур тадбирда Республика техник ва амалий спорт турлари маркази бош мураббийи С.В.Серебряков, Наманган вилояти ҳокими ўринбосари П.Маткаримов, Ўзбекистон мудофаасига кўмаклашувчи "Ватанпарвар" ташкилоти Наманган вилоят кенгаши раиси А.Алаходжаев ва ОАВ ходимлари иштирок этдилар.