Юбилей UFC 300 турнирининг асосий кардида кимлар жанг қилиши мумкин ёхуд Дана Уайт учун бош оғриқ

Сўнгги 8 йилдаги энг муҳим турнирнинг асосий карди ҳозирча номаълум бўлиб турибди. Ронда Роузи ва Хабибнинг қайтиши, Конорнинг Чендлерга қарши жанг қилиши ҳақида кўплаб миш-мишлар айланиб юрибди, аммо булар ҳақиқатга яқин келмайди. Келинг, бундай муҳим турнирда кимлар жанг қилиши мумкин эканлигини кўриб чиқамиз. 

1. Алекс Перейра ва Исраэль Адесанья – яримоғир вазн тоифасида чемпионлик жанги 

Бу икки йигит ўртасидаги қарама-қаршилик 8 йилдан бери давом этиб келади. Улар ортда қолган йиллар давомида 4 бор тўқнаш келишди. Жангларнинг иккитаси кикбоксинг ва иккитаси ММА бўйича ўтказилган. Ҳозирча ҳисоб 3:1 Перейра фойдасига, аммо сўнгги жанг бразилиялик учун ачинарли бўлди, чунки Адесанья ўшанда ўрта вазндаги чемпионликни қайтариб олди. Бироқ Исраэлнинг хурсандчилиги узоққа чўзилмади, у камарини Стриклендга бой бериб қўйди. Алекс билан реванш жанги ёрқин ўтишига ҳеч қандай шубҳа йўқ. 

Айни пайтда Перейра вақтни бой бермай, бир вазн юқорига кўтарилиб, собиқ чемпионлар Ян Блахович ва Иржи Прохазкани мағлубиятга учратиб, яримоғир вазн тоифасида чемпионликни қўлга киритди. Иржини таслим этганидан сўнг у яна Адесаньяга қарши жанг қилиш истаги мавжудлигини яшириб ўтирмади. Ҳозирча нигериялик бу чақирувга ҳеч қандай изоҳ бергани йўқ. Ушбу жангнинг асосий устунлиги узоқ йиллардан буён давом этиб келаётган қарама-қаршилик саналади. Замонавий ММА’да бундай жуфтликни учратиш даргумон. UFC ва қасос иштиёқида «ловуллаб» турган Алекс бу жангни ўтказишдан манфаатдор. 

Исраэль учун ҳам бу ёмон вариант ҳисобланмайди. Биринчидан, мотивация билан боғлиқ муаммолар бўлмайди, бу Шондан учралган мағлубиятнинг асосий омили бўлиб қолди. Иккинчидан, Адесанья ҳеч қандай таваккал қилмаяпти, мабодо муваффақиятли бўлса, у икки кара чемпионга айланади ва қўшимча равишда азалий рақиби устидан зафар қучади. Агар нигериялик спортчи енгилсачи? Ушбу мағлубият Стриклендга ютқазишдек шармандали бўлмайди ҳамда бундан ташқари унинг вазн тоифасида ҳам эмас. Шунингдек, реклама ва жангдан яхшигина пул ишлаб топиши ҳам мумкин бўлади. 

Тахмин: Агар UFC бу жангни аоссий кард сифатида ўтказишни истаса, иккалага жангчига ҳам мотивация бера олади ва мухлислар чўққига чиққан кикбоксчилар ўртасидаги қизиқарли қарама-қаршиликнинг навбатдаги қисмини томоша қилишади. 

2. Том Аспиналл ва Сирил Ган – оғир вазн тоифасида вақтинчалик чемпионлик жанги 

Бир нечта вақтинчалик чемпионлар ўз унвонларини ҳимоя қилишга мажбур бўлишди, лекин Аспиналл омадлилардан бири бўлиши мумкин. Жароҳатланган Жон Жонснинг ўз камарини ҳеч кимга бериш истаги йўқ ва Миочич билан «пул» жангига қадар ундан воз кечмоқчи эмас. Ана шундан кейингина у нафақага чиқиши мумкин. Уларнинг жанги ката эҳтимол билан 2024 йилнинг охириди бўлиб ўтади. Агар Том ўз камарини ҳимоя қилишни хоҳласа, юбилей турнридан кўра муносиброқ лаҳзани топиш мушкул. Бу ерда ҳамманинг эътибори, томошабинларнинг қизиқиши ва катта суммалар келади. Муаммо шуки, оғир вазнда муносиб рақиб топиш қийн бўлиб қолди. Сергей Павлович формада эмас, Миочич эса фақат Жонсга қарши жанг қилишга тайёр. 

Кертис Блейдес март ойида бошқа потенциал рақиб Жилтон Алмейдага қарши жанг ўтказади. Аспиналл эса бир неча йил аввал Волковни осонликча «ер тишлатганди». Айни дам ягона муносиб рақиб – рейтингнинг иккинчи рақамлиси – Сирил Ган. Бир йил аввал Жон уни қийинчилик билан мағлуб этганди. Номзодлар орасида Ган энг муносиб номзод ҳисобланади. У позициясида жуда яхши ва Томнинг портловчи ҳужумларини зарарсизланитиршга қодир. Бундан ташқари, бу дуелни ҳеч бўлмаса Англия ва Франция ўртасидаги қарама-қаршилик сифатида тарғиб қилиш осон. Юбилей мусобақада «100 йиллик уруш» ёмон эшитилмайди, тўғрими?! 

Тахмин: Ушбу жанг кечанинг асосий карди сифатида ёрқин кўринади. Савол туғилади: UFC англиялик жангчини вақтинчалик унвонини ҳимоя қилишга кўндира оладими? 

3. Леон Эдвардс ва Билол Муҳаммад/Шавкат Раҳмонов – ярим ўрта вазнда чемпионлик жанги 

Ягона муаммо шундаки, у ҳали кучли 5 таликдаги йигитлар билан жанг қилмаган ва юбилей турнирни бошқариш учун етарли «кўтарилмаган». Бошқа томондан, бу мухлислар эътиборини унга қаратиш ва тўғри тарғиб қилиш учун қулай имкониятдир. Шавкатнинг Леон билан жангдаги имкониятлари, Эдвардсга қарши биринчи жангда бутун раундни тик турган ҳолда «тутиб олган» Муҳммадникидан афзалроқдек туюлмоқда. Аммо, агар Раҳмонов унвонга эга чиқадиган бўлса, бу Билолга нисбатан адолатсизлик бўлади. Объектив равишда у биринчи бўлиб чемпионга қарши жанг қилиш ҳуқуқини қўлга киритди. Ушбу тартибсиз чиқишларни якунлаб, шуни айтиш лозимки, америкалик жангчи чемпионлик учун курашишга лойиқ, бироқ сўнгги 8 йилдаги мусобақада бундай кўтарилиш барча нуқтаи назардан даҳшатли муваффқиятсизликдир. Асосий баҳсда ҳам Раҳмонов ва Эдвардснинг чиқиши маркетинг томонлама мағлубият, лекин жанг ғолиби кескин тарзда кўтарилиб кетиш эҳтимоли йўқ эмас. Хуллас, қозоқ спортчисининг жанги Леон ва Билолнинг «шахмат ўйини»дан яхшироқ танлов. 

Тахмин: Раҳмонов ката эҳтимол билан чемпионликни қўлга киритади, лекин бу жанг UFC 300’нинг асосий кардига тортмайди. 

4. Дрикус дю Плесси ва Исраель Адесанья – ўрта вазнда чемпионлик жанги 

Ушбу жанг бўлиши учун бир нечта шартлар мос келиши керак эди. Уларнинг биринчиси уддаланди UFC 297 мусобақасида Дрикус Стриклендни мағлуб этди. Иккинчидан, у апрелгача тикланишга улгуриши лозим бўлади. Тахминан бир йил олдин Плесси интервью бериб, у биринчи Африка чемпиони бўлишини айтди. Бунга жавобан Адесанья бир қатор гап-сўзларни бошлади, у Дрикусни умуман африкалик эмас, қул эгаларининг меросхўри деб атади ва тез орда у билан ўзи шуғулланишини таъкидлади. 

ЖАРлик жангчи Уиттайкерни нокаутга учратганидан сўнг Исраэлга қарши дуэл муқаррар бўлди. Бироқ, UFC дю Плессига катта босим ўтказиб, уни Роберт устидан козонилган ғалабадан икки ой ўтгач, Адесанья билан жанг қилишга кўндирди. Австралиядаги стадионда махсус нигериялик спортчи учун ўтказилган UFC 293 асосий турнири «ёниб кетди». Натижада, Дрикус унга қарши жангни рад этди ва унинг ўрнини Шон Стрикленд эгаллади. Дю Плессининг диққат маркази Стриклендга ўтди ва Адесанья яқин келажакда жанг қилмаслигини эълон қилди. Аммо, агар бу жанг ҳали режалаштирилмаган бўлса, ҳозирги воқеликда ташкил этилиши мумкин бўлган энг шовқинли воқеа бўлади. 

Тахмин: энг кутилган воқелик. Агар барчаси мос бўлса, ушбу жуфтлик барча талабларга жавоб беради.

Хорижий сайтлар асосида Хабиб Жўрабоев тайёрлади