23 авг 13:56
Янгиликлар

Спорт курашлари

Юнон-рум курашчиларимиз жаҳон чемпионатида 6 та медаль қўлга киритишди

Юнон-рум кураши бўйича Ўзбекистон ўсмирлар терма жамоаси Амман шаҳри (Иордания) мезбонлик қилаётган жаҳон чемпионатидаги иштирокини якунлади.

Ортда қолган кун давомида учинчи ўрин учун кураш олиб борган 4 нафар ҳамюртимизнинг барчаси ғалаба қозониб, терма жамоамиз ҳисобига бронза медалларини қўшиб қўйишди.

Бронза медали:

-45 кг: Умиджон Каромов

-60 кг: Фарруҳ Йўлдошев

-71 кг: Беҳрузбек Валиев

-92 кг: Фахрикамол Комилжонов

Шу тариқа, "классик" курашчиларимиз ҳисобидаги медаллар 1 та кумуш ва 5 та бронзани ташкил этди. Ушбу натижа билан ҳамюртларимиз очколар бўйича умумжамоа ҳисобида иккинчи ўринни эгаллашди. Бугундан эркин кураш усталари ғолиблик учун баҳсларга киришишади.