07 июн 11:37
Янгиликлар
Кураш, Осиё ўйинлари
Юнон-рум курашчиларимиз Осиё ўйинларига тайёргарликни қизғин давом эттиришмоқда
Ўзбекистонлик спортчилар август ойида Жакартада бўлиб ўтадиган Осиё ўйинларига тайёргарликни давом эттирмоқдалар.
Миллий олимпия қўмитаси спортчиларимизни нуфузли мусобақаларга муносиб тайёргарлик кўришлари учун ўқув-машғулот йиғинлари, турли халқаро турнирлар ташкил этиб келмоқдалар.
Кеча ана шундай йиғинлардан бирини юнон-рум курашчиларимиз ҳам бошлаб юборишди. Спортчилар тажрибали мураббийлар қўл остида 20 июнга қадар "Динамо" спорт жамиятига қарашли машғулотлар залида шуғулланадилар.
Маълумот учун, спорт курашлари милоддан аввалги 708 йилда Олимпия ўйинлари дастурига киритилган. Кўриб турганингиздек, бу қадимий спорт тури ҳисобланади. Бугунги кунда спорт курашлари Ўзбекистонда анча оммавийлашган. Ҳамюртларимиз жаҳон ареналарида муваффақиятли иштирок этиб келмоқдалар.
Ҳавола :
Манба : olympic.uz
Фикрлар