04 апр 11:14
Янгиликлар

Кураш

Юнон-рум кураши. Эртага Самарқандда илк халқаро турнир старт олади

5-6 апрель кунлари Самарқанд шаҳрида юнон-рум кураши бўйича Фарҳод Шарипов хотирасига бағишланган биринчи халқаро турнир бўлиб ўтади.

Унда мамлакатимиз курашчиларидан ташқари Россия ҳамда Марказий Осиё давлатларидан ҳам спортчилар иштирок этади. Мусобақа 2001-2002 йилларда таваллуд топган ёшлар ўрасида ўтказилади.

Ғолиб ва совриндорлар 10та вазн тоифасида аниқланади. Эртага мусобақанинг тантанали очилиш маросими ўтказилади ҳамда 5та вазн тоифасида ғолиблар номи маълум бўлади.

Мусобақанинг аҳамиятли жиҳати шундаки, унда шу йили Аргентинада ўтказиладиган Ёшлар Олимпиадаси йўлланмалари учун кураш олиб борадиган спортчилар иштирок этади. Бу улар учун ўзига хос тайёргарлик вазифасини ўтаб беради.