11 янв 16:28
Янгиликлар

Бокс/ММА

Заб Жуда Мэнни Пакьяо билан жанг учун рингга қайтишга тайёр

Икки вазнда собиқ жаҳон чемпиони, 48 ёшли Заб Жуда саккиз вазн тоифасида собиқ жаҳон чемпиони Мэнни Пакьяога қарши жанг учун рингга қайтишга тайёрлигини айтди.

"Мен ҳеч қандай жангдан воз кечмайман, - деди Жуда MillCity Boxing нашрига берган интервьюсида. - Мэнни билан ҳеч қачон жанг қилмаганмиз. Мен айнан шу жанг ташкил этилишини истардим... Қизиқ эшитилади, яхши фикр. Мэнни нима дейди? Шартномага унинг номини меники билан ёнма-ён қўйиб, нима бўлишини кўриш керак".

Эслатиб ўтамиз, Заб Жуда сўнгги жангини 2019 йилда ўтказиб, 11-раундда Клетус Селдинга техник нокаут билан имкониятни бой берган эди. Жангдан сўнг у ҳушини йўқота бошлаган ва шифохонага олиб кетилган, у ерда миясига қон қуйилиш тасхшиси қўйилганди.

46 ёшли Мэнни Пакяо эса ўтган йили тўрт йиллик танаффусдан сўнг рингга қайтган ва ўзидан 16 ёш кичик бўлган ярим ўрта вазн тоифасида WBC чемпиони Марио Барриос билан дуранг натижа қайд этган эди. Филиппинлик ҳам фаолиятини давом эттиришни режалаштирмоқда ва кейинги жангини шу йилнинг баҳорида ўтказмоқчи.