Забелинская нима сабабдан Россия термасидан воз кечиб, Ўзбекистон термасига ўтганини айтди

Бунга қадар Ольга Россия термаси шарафини ҳимоя қилган ва Олимпиаданинг уч медалини қўлга киритган: Рио-206да кумуш, Лондон-2012да иккита бронза.

"Риодаги шоҳсупада турган пайтим термани алмаштириш ғояси келган. Айнан нима сабаблиги эсда йўқ, аммо ўшанда нафақат мени, балки бошқаларни ҳам қадрланмаслигини тушунганман. У ерда фақатгина айрим спорт турларидаги спортчилар қадрли, айнан кимлар эканлигини айтмайман, буни ҳамма яхши билса керак. Қолган спортчилар эса - ортиқча юк.

Бироқ ўшандаги эмоциялар ичимдаги қарорлардан кўра кўпроқ эди. Ўзбекистон термасидан таклиф тушганидан кейин, буни бирданига қабул қилмадим, ярим йил ўйладим, кўп нарсаларни кўриб чиқдим. Велоспорт раҳбарияти вакиллари билан учрашувдан кейин, ўзимни Ўзбекистонда кўра бошладим. Улар ўзларининг ажойиб содиқлиги билан менга жуда катта куч беришди, шу сабабли ҳеч нимани ўйлаб ўтирмасдан таклифга ижобий жавоб бердим. Ҳатто барчасини бошқатдан бошлаш кераклигини ҳам ўйлаб ўтирмадим. Ўша пайтдаги эътибор борасида Ўзбекистонга тенг келадигани йўқ эди.

Энди эса ўтган 5 йил давомида федерация анчагина кучайтди, спорт вазирлиги ва Олимпия қўмитаси орқали яна иккита жуфтлик пайдо бўлди - аёллар ўртасидаги профессионал шоссе жамоаси. Айни дамда бу жамоа UCI рейтингида юқори ўринларда бормоқда, кучли 20ликда юради ва фақатгина Women’s World Tour жамоаларидангина ортда қолиши мумкин. Ҳатто уларнинг бирорта техник ҳомийси йўқ! Россияда бундай бўлиши мумкин эмас. Менимча, бошқа ҳеч қайси давлатда.

Россияда бўлмаганимга анча бўлди. Ҳозир у ерда спортга бўлаётган эътибор қандайлигини билмайман ҳам. Ҳали ҳам умид қилишяпти, деб хато қилган бўлай. Шундай бўлди-ки, Россияда гаплашиб турадиган инсонларим ҳам жуда кам. Барча яқинларим Кипрда яшашади. У ерда мен ҳаётимнинг асосий қисмини ўтказаман ва машғулотлар учун ҳам жуда мос", - деди Забелинская.