11 дек 15:01
Янгиликлар

Оғир атлетика

Зафаржонов Жаҳон кубогида 3 та медалга эга чиқди + ФОТО

Хабар берганимиздек, шу кунларда Хитойнинг Тяньцзинь шаҳрида оғир атлетика бўйича Жаҳон кубоги давом этмоқда.

Бундан бир неча дақиқа аввал -89 кг вазн тоифасида юртимиз шарафини ҳимоя қилган Сарварбек Зафаржонов ўз иштирокини муваффақиятли якунлади. 19 ёшли юртдошимиз даст кўтаришда 156, силтаб кўтаришда 190, умумий 346 кг тошни ўзига бўйсундирди.

Зафаржоновнинг бу натижаси якунда унга даст кўтаришда кумуш, силтаб кўтаришда бронза ҳамда икки курашда ҳам бронза медалини тақдим этди. Олтин медал кореялик Донг Жу Юга насиб этди. Донг Жу даст кўтаришда 160, силтаб кўтаришда 205, икки курашда 365 кг натижа кўрсатди. Япониялик Ямомота иккинчи ўринни эгаллади. Унинг натижаси 155+195+350 кўринишида бўлди.