22 сен 07:43
Янгиликлар

Бокс/ММА

Зарруҳ Адашев АҚШга жўнаб кетди, уни ота-онаси кузатиб қўйишди + ФОТО

UFC промоушенида фаолиятини давом эттираётган жангчимиз Зарруҳ Адашев юзага келган таътилни Ўзбекистонда ўтказаётган эди.

Бугун тунда ҳамюртимиз яна Нью-Йоркка қайтиб кетди. Уни Ислом Каримов номидаги Тошкент халқаро аэропортида ота-онаси оқ фотиҳа бериб, океан ортига кузатиб қўйишди.

Эслатиб ўтамиз, Зарруҳ Адашев 1 август тонгида АҚШнинг Невада штати Лас-Вегас шаҳрида ўтказилган UFC Vegas 32 турнири доирасида ўзининг энг нуфузли промоушендаги учинчи жангини ўтказган эди.

Райан Бенуага қарши кечган жанг тўлиқ уч раунд давом этган ва унда ҳамюртимиз рақибини ҳакамларнинг якдил қарори билан мағлуб этишни уддалаганди. Бу Зарруҳнинг UFC'даги илк ғалабаси бўлганди. Бунга қадар у иккита жангда иштирок этиб, ҳар иккисида ҳам мағлуб бўлган эди.