31 июл 06:07
Янгиликлар

Бокс/ММА

Заррух Адашев тарозига чиқди. Эртага ҳаёт-мамот жанги + ФОТО

Бизнинг вақт билан эртага тонгда АҚШнинг Невада штати Лас-Вегас шаҳрида навбатдаги UFC турнири бўлиб ўтади.

UFC on ESPN 28 турнири доирасидаги ушбу яккакураш оқшомида ҳамюртимиз Заррух Адашев ҳам октагонга кўтарилади. Унинг рақиби Райан Бенуа бўлади. 25 август куни 32 ёшга тўладиган америкалик яккакураш устаси фаолияти давомида 17 та жанг ўтказган бўлиб, ҳисобида 10 ғалаба ва 7 мағлубият бор.

Бугун турнир иштирокчилари ва табиийки, Заррух Адашев ҳамда унинг рақиби расмий тарозидан ўтиш маросимида иштирок этишди. Заррух ҳам, Райан ҳам белгиланган вазн меъёрини бажаришди. Аслида спортчилар 8 май куни ўзаро жанг қилишлари лозим эди. Аммо ўшанда Бенуа белгиланган вазн меъёрини бажара олмагани сабаб соғлиғи ёмонлашган ва жанг бекор қилинганди.