Зайнаб Дайибекова: "Ўзимга билдирилган ишончни оқлашга ҳаракат қиламан"

Давлат раҳбари ушбу ташрифи вақтида Республика спортчиларини тақдирлади. Жумладан, қиличбозлик билан шуғулланиб келаётган Зайнаб Дайибекова "Нексия" машинаси билан тақдирланди.

Ушбу қувончли воқеадан сўнг Зайнаб хурсандчилигини яшира олмаяпти.

Куни кеча муҳтарам Президентимиз Қорақалпоғистон Республикасига ташриф буюрдилар. Ушбу ташриф чоғида улар менга "Нексия" автомашинасини совға қилдилар. Ушбу кичик хизматларимизни инобатга олиб, мана шундай тақдирлаганликларидан жудаям хурсандман. Қолаверса, яқинда Қорақалпоғистонда қиличбозлик мажмуаси қурилди. Буларнинг барчаси учун юртбошимизга миннатдорчилик билдираман. Ўзимга билдирилаётган ишончни оқлаб, Осиё ўйинлари, жаҳон чемпионатлари ва Олимпиада ўйинларида совриндор бўлишга ҳаракат қиламан.

Бу йилги мусобақалар? Сентябрь ойида бўлиб ўтган Осиё чемпионатида фаҳрли учинчи ўринни эгалладим. Бундан жудаям хурсандман. Ундан ташқари бу йил Болгариядаги жаҳон чемпионатида, Таиландда бўлиб ўтган Осиё чемпионатида иштирок этдим.

Кириб келаётган 2018 йил билан ҳаммани табриклайман. Барчангизга узоқ умр, сиҳат-саломатлик, ўз олдиган қўйган мақсадларига эришишларини тилайман. Янги йил Ўзбекистон учун хар жабҳада омадли келсин", - деди Зайнаб.

Азиз Тўхтамуродов ёзиб олди