"Зенит" - "Ростов" ўйинида мухлислар 7 та гол кўришди, Шомуродов эса...

Турнинг марказий ўйинида дарвозаларга жами 7 та гол киритилди. Питерликлар 58 639 томошабин гувоҳлигида ўтган баҳсда "Ростов" устидан очиқчасига "кулишди". Ўйинда "Зенит" 6:1 ҳисобида ғалаба қозонди. Артём Дзюба учрашувда хет-трикка эришиб, ўз голлари сонини 8 тага етказиб олди.

Афсуски, "Ростов" ҳужумчиси Элдор Шомуродов майдонни голсиз тарк этди. Терма жамоамиз ҳужумчиси бошланғич таркибда майдонга тушиб, 77-дақиқада ўз ўрнини Сигурдарсонга бўшатиб берди. Ростовликлардан ягона голни 83-дақиқада Еременко пеналтидан киритди.  

"Зенит" – "Ростов" 6:1

"Газпром Арена"

Голлар: 1:0 – 14, пенальти Дзюба, 2:0 – 20 Дзюба, 3:0 – 44 Азмун, 4:0 – 61 Караваев, 5:0 – 80, пенальти Дзюба, 5:1 – 83, пенальти Еременко, 6:1 – 90 Барриос.

"Зенит": Кержаков, Иванович, Дуглас Сантос, Ракицкий, Караваев, Шатов (Кузяев, 71), Барриос, Оздоев (Сутормин, 77), Дзюба, Азмун, Дриусси (Ерохин, 85).

"Ростов": Бабурин, Чистяков, Чернов, Хаджикадунич, Козлов, Норманн, Попов (Зайнутдинов, 62), Ионов (Саплинов, 64), Байрамян, Еременко, Шомуродов (Сигурдарсон, 77).

Огоҳлантиришлар: Хажикадунич (12), Оздоев (17), Еременко (19), Барриос (56), Чистяков (78), Чернов (79), Иванович (81).