15 мар 08:05
Янгиликлар

Бокс/ММА

Зубайра Тухугов жарроҳлик столига ётди + ФОТО

Ярим енгил вазн тоифасида UFC жангчиси Зубайра Тухугов чап оёқ тизза қисмида жарроҳлик амалиётини ўтказди.

"Кеча тиззамни операция қилишди. Тикланиш учун 3-4 ой керак бўлар экан. Ёз фаслининг сўнгги кунлари октагонга қайтишимга умид боғлаяпман. Барча омад ва ўзингизни эхтиёт қилинг!", — дея ўзининг Истаграм саҳифасида сурат ҳамда унинг остида изоҳ қолдирган Тухугов.

Эслатиб ўтамиз, Зубайра Тухугов Рикардо Рамосга қарши жанг ўтказиши керак эди. Лекин машғулотда орттириб олинган жароҳат сабаб бу жанг амалга ошмай қолди. Россиялик 30 ёшли Зубайра ҳисобида 7 та жанг бўлиб, уларнинг 4 тасини ўз фойдасига ҳал қилган. Сўнгги жангида имкониятни бой бериб қўйган.