28 июн 17:58
Янгиликлар

Бокс/ММА

Зубайра Тухугов кейинги жангини UFC'даги собиқ рақибига қарши ўтказади

Россиялик собиқ UFC жангчиси Зубайра Тухугов яна "иш"га қайтмоқда.

У 5 июль куни Россия пойтахти Москва шаҳрида ўтказиладиган ACBJJ 21 турнирида бразилиялик Элвис Бренерга қарши баҳс олиб боради. Беллашув 80 килограмм вазн тоифасида грэпплинг қоидалари асосида ташкил этилади.

Бу икки спортчининг ўзаро ўтказадиган иккинчи баҳси бўлади. Улар 2023 йил февраль ойида UFC 284 турнирида октагонда тўқнаш келган бўлиб, ўшанда Бренер қизғин кечган уч раунд якунида ҳакамларнинг бўлинган қарори билан ғалаба қозонган эди.

Шунингдек, ACBJJ 21 турнири дастуридан бир нечта қизиқарли қарама-қаршиликлар ҳам ўрин олган. Турнирда Забит Магомедшарипов, Ринат Фахретдинов, Рауль Росас, Армен Петросян, Брендон Аллен ва Юсуф Раисов каби машҳур жангчилар ҳам иштирок этиши кутилмоқда.