21 апр 09:22
Янгиликлар

Теннис

Зверев Мюнхен турнири бош совринига эга чиқди

Германиянинг Мюнхен шаҳрида ўтказилган теннис бўйича ATP 500 тоифасига кирувчи турнир якунига етди.

Мусобақа бош соврини Александр Зверевга насиб этди. Германиялик теннисчи ҳал қилувчи финал учрашувида ATP рейтингида 15-ўринни эгаллаб турган америкалик Бен Шелтондан ортиқча қийинчиликсиз устун келди - 6/2, 6/4.

Дунёнинг учинчи ракеткаси бўлган Зверев фаолиятидаги 24-совринини қўлга киритди. Александр Шелтонга қарши ўзаро иккинчи учрашувда ҳам зафар қучди. Етмиш икки дақиқа давом этган баҳсда Зверев 4, Шелтон 3 та эйс зарбасини амалга оширган.