26 окт 11:40
Янгиликлар

Теннис

Зверев ўз ватанидаги турнир бош совринини бегона қилмади

Дунёнинг еттинчи ракеткаси Александр Зверев Германиянинг Кёльн шаҳрида якунланган bett1HULKS Championships турнири ғолибига айланди.

Зверев 1 соату 11 дақиқа давом этган финал учрашувида рейтингда ўзидан икки поғона пастда бораётган аргентиналик Диего Шварцманга қарши кортга чиқиб, ортиқча қийинчиликсиз ғалабага эришди - 6/2, 6/1.

Александр баҳс давомида 9 та эйс зарбани амалга оширди. Диегода эса бу кўрсаткич нол кўринишида бўлди. Теннисчиларнинг ўзаро учрашувларидаги ҳисоб мувозанати тикланди - 2:2.

Кёльндаги муваффақиятли иштирок Зверевга 13,320 евро мукофот пули ҳамда 250 рейтинг очкосини тақдим этди. Бу унинг мавсумдаги иккинчи, фаолиятидаги 13-соврини бўлди. Шварцман эса 11,130 евро ҳамда 150 рейтинг очкоси ишлаб олди.